提升睡眠質素的秘密

相信好多香港人也睡得不好，工作壓力大，睡眠時間少，睡眠質素又差，這都可算是香港人的通病吧！

我自問從少到大一向也都睡得不好，加上夜訓晏起陋習（半夜２點３點先上床是閒事），以至精神不好，體力也漸漸變差，日間經常打瞌睡，不能集中精神，嚴重影響工作。星期一至五日日都冇精神，好辛苦捱到星期六日至可以好好睡一覺，但總覺得提唔起勁，連玩都冇心機去玩，之後去到返工的日子又要捱捱捱…… 突然間有一日，諗諗下覺得咁樣都唔係辦法，總要改善一下自己的精神，唔可以再長期咁樣落去，乜都做唔到，浪費晒自己的時間。就係咁，睇過好多書，試過好多方法，終於發現有幾個提升睡眠質素的方法，現在同大家分享一下吧：

睡眠時間與睡眠質素：

睡眠時間不同睡眠質素，睡眠時間長，唔代表睡眠質素好，例如你有時會發覺，訓左超過八個鐘，但總覺得好眼訓，這就是因為睡眠質素唔好了。

先講睡眠時間，一般人訓八個鐘就夠，但冇絕對，有Ｄ人一日訓６個鐘就夠，有Ｄ人一日訓９個鐘都唔夠，冇得解的，因人而易。但有一個重點，是睡雙數時間比單數好，例如睡６個鐘比７個鐘好，８個鐘比９個鐘好。另外，最好晚上１１時前入睡，最遲也不可過１２點。

睡眠質素，是我們睡眠的重點，只要睡眠質素好，我們才能回覆體力及精神。要睡眠質素獲得提升，請注意以下重點：

睡前不應做：

• 睡前兩小時不可進食
• 睡前一小時不可做劇烈運動，以及看電視／用電腦
• 睡前半小時不可喝水或任何液體

睡前應做：

• 睡前半小時沖個熱水涼，有助血液循環及放鬆心情
• 睡前15分鐘看看書或雜誌（但切忌看電腦）
• 不要一上床便躺下，可在床邊坐一會才睡

睡眠環境：

• 絕對的黑暗環境，不可有光，如環境唔許可，可以載眼罩
• 寧靜，不建議聽音樂
• 枕頭是必需的，高度因人而易

睡醒後也要注意，不要賴床，鬧鐘一響起便起床。有研究發現，賴床會令到當日精神變差。

希望以上幾點，能幫到大家每晚都睡得甜一點，一覺訓天光，每日都有好精神應付工作。